Máximas e Reflexións de Plácido Castro / Irlanda

• Irlanda

Irlanda, inspirándose no seu, logrou crear unha literatura teatral que é tal vez o mellor e o máis perdurable do noso tempo.

• Saudade

Paréceme equivocado culpar á saudade dos males de Galicia. Tal vez nos faga falta máis saudade aínda, sobre todo a saudade dunha nova Galicia, que sexa como en Irlanda o distante ideal que ó fin nos leve a unha leda realidade.

• Xeral

Ao cabo de moitos séculos do que se deu en chamar “civilización” e “progreso” –unha maneira de asubiar na escuridade para facer ver que non temos medo- non chegamos a lograr a sombra dun acordo en ningún terreo acerca do que é a verdade, de cales son as cousas reais e fundamentais, se é que existen.

• Celtismo

Nos poetas de inspiración céltica adquire unha especial intensidade e amargura a aversión á vellez e á decrepitude buscando un triste consolo na saudade da infancia.

• España

Para Galicia ten pouca importancia que España sexa unha monarquía ou unha república porque en ambos os dous réximes se postergan os seus intereses e se lle trata como unha colonia.

• Galicia

Si se nos considera como colonia, temos que actuar como colonia, como todas aquelas colonias rebeldes que ao fin conseguiron a súa liberdade.

• Irlanda

Irlanda venceu na súa loita contra Inglaterra non tanto pola violencia –que por desgraza tivo que empregar- como porque o pobo expresou claramente o seu desexo de independencia, ano tras ano. Non debemos esquecer canto contribuíu o amor á antiga cultura nacional a estimular e acender o patriotismo irlandés e a darlle unha base firme ao sentimento de nacionalidade.

• Saudade

A saudade é como a arte, un desexo de algo, non sabemos moi ben de que, e é precisamente a vaguidade do anhelo o que a distingue do simple desexo de volver á patria e a eleva á categoría dun sentimento artístico.

• Xeral

O humorismo é quizais tanto mais delicioso canto mais lonxe teña estado do ánimo do seu autor o provocar un sorriso.

• Ciencia

Crer na ciencia e seguir soñando debe ser o noso lema.