Máximas e Reflexións de Plácido Castro / Lingua

• Lingua

Á lingua galega ningunha lle gaña en calidades e posibilidades poéticas.

• Universalismo

O nacionalismo, lonxe de constituír un motivo de apartamento e de división, vén a ser un axente de aproximación e de pacificación moito máis eficaz que as ideas internacionalistas, ocas e inútiles porque ninguén as sente con convicción.

• Xeral

A necesidade de meditar ben o que se vai facer impón un incómodo período de incerteza e é certamente un inconveniente pero a vantaxe de saber que non se tomou unha decisión precipitada constitúe unha ampla compensación.

• Cultura

Debemos crear un sistema cultural propio que leve en si o selo inconfundible da nosa individualidade.

• Galeguismo

Ser “galeguista” é algo moi distinto de ser “autonomista”.

• Identidade

Todo fanatismo repugna ao temperamento galego, caracterizado pola comprensión, a transixencia, a dúbida.

• Nacionalismo

O nacionalismo é unha tendencia de grande oportunidade no noso tempo que se caracteriza polo axuste das fronteiras, para facer máis doada a colaboración e a solidariedade internacional.

• Universalismo

É certo que está agromando un novo cosmopolitismo, mais, aínda que semelle paradoxal, é un cosmopolitismo nacionalista.

• Xeral

Nunca puiden comprender como se espallou polo mundo a idea dun inglés reservado, solitario, frío.

• Cultura

Quizais non exista un pasatempo –por non chamarlle vicio- que se atope ao mesmo tempo tan cheo de feitizo e de tormento como o intento de traducir doadamente os belos poemas, de longo tempo amados…