Máximas e Reflexións de Plácido Castro / Saudade

• Saudade

A saudade é como a arte, un desexo de algo, non sabemos moi ben de que, e é precisamente a vaguidade do anhelo o que a distingue do simple desexo de volver á patria e a eleva á categoría dun sentimento artístico.

• Xeral

O humorismo é quizais tanto mais delicioso canto mais lonxe teña estado do ánimo do seu autor o provocar un sorriso.

• Ciencia

Crer na ciencia e seguir soñando debe ser o noso lema.

• España

A consecuencia máis grave do réxime político de España non foi a miseria material que produciu senón a degradación moral inseparable do falseamento da democracia e dos ideais, que deixaron o país incapacitado para a vida política.

• Galicia e España

Sen ser galega non pasará Galicia de ser un anaco de territorio do Estado español, sen alma propia, flamenquizada pouco a pouco e que posuirá como aspiración máxima a de caciquear con máis ou menos eficacia nos Ministerios madrileños. Velaí o universalismo dos nosos adversarios.

• Lingua

Quen valore os idiomas segundo a súa difusión ou a súa utilidade práctica pensa cun criterio de emigrante.

• Saudade

Sería aventurado afirmar que a saudade é un sentimento enteiramente triste. Posúe un carácter demasiado artístico para selo.

• Xeral

Cómpre establecer unha distinción entre os actos dos gobernos e as actitudes dos pobos.

• Ciencia

As relixións, prisioneiras dos seus dogmas, non puideron incorporar os descubrimentos científicos ás súas crenzas.

• España

A única esperanza de fraternidade ibérica, a única posibilidade de crear un verdadeiro patriotismo e un xenuíno espírito español integrados polas culturas de cada pobo, reside na liberación destes pobos e a intensificación das súas características peculiares.